Мемлекет басшысы Қасым-Жомарт Тоқаевтың бүгінгі Жолдауы еліміздің алдағы даму бағыттарын айқындап, жаңа кезеңнің басым міндеттерін белгіледі. Онда ел экономикасын нығайту, халықтың әл-ауқатын арттыру, өңірлерді дамыту және мемлекеттік басқару жүйесін жетілдіру мәселелеріне ерекше назар аударылды.
Бүгінгі өзгерістер жағдайында экономиканың тұрақты дамуын қамтамасыз ету, жаңа жұмыс орындарын ашу, кәсіпкерлікті қолдау және инвестиция тарту маңызды. Сонымен қатар жолдарды жөндеу, инженерлік инфрақұрылымды жаңғырту, ауыл-аймақтардың әлеуетін арттыру және халыққа көрсетілетін әлеуметтік қызметтердің сапасын жақсарту да өзекті міндеттердің қатарында.
Ақмола облысы үшін бұл бағыттардың маңызы зор. Өңіріміздің әлеуметтік-экономикалық дамуы, ауыл шаруашылығы мен өндірісті қолдау, тұрғындардың өмір сүру сапасын арттыру – баршамызға ортақ міндет.
Менің ойымша, кез келген реформаның нәтижесі халықтың күнделікті өміріндегі оң өзгерістермен өлшенеді. Сапалы жол, қолжетімді әлеуметтік қызмет, тұрақты жұмыс орны және жайлы өмір сүру ортасы – ел дамуының нақты көрсеткіштері.
Жолдауда белгіленген міндеттерді іске асыру – мемлекеттік органдардың ғана емес, қоғамның барлық өкілдерінің ортақ жауапкершілігі. Басты мақсатымыз – тәуелсіз Қазақстанның тұрақты дамуын қамтамасыз етіп, әрбір азаматтың әл-ауқатын жақсартуға бағытталған жұмыстарды жүйелі түрде жалғастыру.
Айгүл Аманжолова, аудандық Аналар кеңесінің төрайымы.