Қазақстанның 17 жасқа дейінгі футболдан жасөспірімдер құрамасы 2027 жылғы Еуропа чемпионатының іріктеу кезеңін сәтті аяқтап, өз тобында бірінші орынға ие болды.

Русланжан Раимбеков жаттықтыратын команда шешуші кездесуде Грузия құрамасымен 1:1 есебімен тең түсті. Матчтың 87-минутында Али Садырбаев маңызды гол соғып, командамызға жеңісті нәтижеге жетуге мүмкіндік берді.

Ал бұған дейін қазақстандық футболшылар Австрия құрамасын 7:0 есебімен ойсырата жеңген болатын.

Екі ойынның қорытындысы бойынша Қазақстан құрамасы 4 ұпай жинап, 8:1 доп айырмасымен 14-топта көш бастады. Осылайша, жас футболшылар Еуро-2027 іріктеуінің екінші кезеңіне — А лигасына жолдама алды.

Келесі кезеңнің жеребесі желтоқсан айында өтеді.

Жас футболшыларымызды тамаша нәтижемен құттықтаймыз! Алдағы ойындарда сәттілік пен жаңа жеңістер тілейміз! 🇰🇿