
Зейнетақы жинақтары – бұл тек міндетті жарналар есебінен қалыптасатын қаражат қана емес, сонымен қатар инвестициялық табыс алу мүмкіндігі.
Салымшыларға зейнетақы активтерін басқару мәселелерін түсінуді жеңілдету мақсатында БЖЗҚ invest.enpf.kz ақпараттық порталын іске қосты.
Порталда инвестициялық портфельді басқарушылар (ИПБ), олардың инвестициялық стратегиялары мен ұсынатын портфельдері туралы ақпарат жинақталған. Пайдаланушылар сенімгерлік басқару шарттарымен танысып, компаниялардың ұсыныстарын салыстыра алады және инвестициялау бағыттарының ерекшеліктерін зерделей алады.
Бүгінде порталда алты басқарушы компания туралы ақпарат ұсынылған. Олардың әрқайсысы зейнетақы активтерін басқарудың өзіндік тәсілі мен инвестициялық стратегияларын ұсынады.
Ұсыныстармен танысып, толық ақпаратты invest.enpf.kz порталынан алуға болады.
