🔥Жыл басынан бері Ақмола облысында 232 өрт тіркелді. Өрттің негізгі себебі әлі күнге дейін адами фактор болып табылады — өртті абайсыз пайдалану және қарапайым қауіпсіздік ережелерін сақтамау.
🌳Биыл облыс аумағында 8 орман өрті және 128 құрғақ шөптің өрті тіркелді. Өрт қауіпті маусымның өткен кезеңінде өрт қауіпсіздігі ережелерін сақтамағаны үшін 39 азамат әкімшілік жауапкершілікке тартылды, оның 30-ына айыппұл салынды.
🚨Өрт қауіпті маусымның басталуымен Төтенше жағдайлар департаментінің қызметкерлері полициямен бірлесіп үнемі профилактикалық рейдтер жүргізеді. Аралау барысында саяжай және бау-бақша учаскелерінің тұрғындарына өртке қарсы қауіпсіздік шаралары, ашық отты пайдалану тәртібі және бұзушылықтар үшін жауапкершілік түсіндіріледі.
📌Ақмола облысының Төтенше жағдайлар департаменті Өрт қауіпсіздігі талаптарын сақтауға шақырады:
Өсімдіктерге, ағаштар мен ғимараттарға жақын жерде құрғақ шөптерді жағуға тыйым салынады.
Бақылаусыз от жағуға және қоқысты жағуға жол берілмейді.
Бұл талаптарды бұзу өртке және әкімшілік жауапкершілікке әкелуі мүмкін.
❗️Есіңізде болсын: ережелерді сақтау Сіздің қауіпсіздігіңіз бен қоршаған ортаның қауіпсіздігінің кепілі болып табылады.